قازاقستان رەسپۋبليكاسى ۇكىمەتىنىڭ قاۋلىسى №677 

  2016 جىلعى 8 قاراشا استانا, ۇكىمەت ءۇيى اتاۋلى مەملەكەتتىك الەۋمەتتىك كومەك الۋشىلار بولىپ تابىلاتىن جەكە تۇلعالاردى تەلەۆيزيالىق ابونەنتتىك جالعامالارمەن قامتاماسىز ەتۋ قاعيدالارىن بەكىتۋ تۋرالى «تەلەراديو حابارلارىن تاراتۋ تۋرالى» 2012 جىلعى 18 قاڭتارداعى قازاقستان رەسپۋبليكاسىنىڭ زاڭى 42-بابىنىڭ 9-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان اتاۋلى مەملەكەتتىك الەۋمەتتىك كومەك الۋشىلار بولىپ تابىلاتىن جەكە تۇلعالاردى تەلەۆيزيالىق ابونەنتتىك جالعامالارمەن قامتاماسىز ەتۋ قاعيدالارى بەكىتىلسىن. 2. وبلىستاردىڭ, استانا جانە الماتى قالالارىنىڭ اكىمدىكتەرى وسى قاۋلىدان تۋىندايتىن شارالاردى قابىلداسىن. 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ قازاقستان رەسپۋبليكاسى ۇكىمەتىنىڭ 2016 جىلعى 8 قاراشاداعى №677 قاۋلىسىمەن بەكىتىلگەن مەملەكەتتىك اتاۋلى الەۋمەتتىك كومەك الۋشىلار بولىپ تابىلاتىن جەكە تۇلعالاردى تەلەۆيزيالىق ابونەنتتىك جالعامالارمەن قامتاماسىز ەتۋ قاعيدالارى 1. جالپى ەرەجەلەر 1. مەملەكەتتىك اتاۋلى الەۋمەتتىك كومەك الۋشىلار بولىپ تابىلاتىن جەكە تۇلعالاردى تەلەۆيزيالىق ابونەنتتىك جالعامالارمەن قامتاماسىز ەتۋ قاعيدالارى (بۇدان ءارى – قاعيدالار) «تەلەراديو حابارلارىن تاراتۋ تۋرالى» 2012 جىلعى 18 قاڭتارداعى قازاقستان رەسپۋبليكاسىنىڭ زاڭى 42-بابىنىڭ 9-تارماعىنا سايكەس ازىرلەندى جانە «مەملەكەتتىك اتاۋلى الەۋمەتتىك كومەك تۋرالى» 2001 جىلعى 17 شىلدەدەگى قازاقستان رەسپۋبليكاسىنىڭ زاڭىنا سايكەس مەملەكەتتىك اتاۋلى الەۋمەتتىك كومەك الۋشىلار بولىپ تابىلاتىن جەكە تۇلعالاردى تەلەۆيزيالىق ابونەنتتىك جالعامالارمەن قامتاماسىز ەتۋ ءتارتىبىن بەلگىلەيدى. 2. وسى قاعيدالاردىڭ ماقساتتارى ءۇشىن مىناداي ۇعىمدار پايدالانىلادى: 1) جەرگىلىكتى اتقارۋشى ورگان (اكىمدىك) – وبلىستىڭ, رەسپۋبليكالىق ماڭىزى بار قالانىڭ جانە استانانىڭ, اۋداننىڭ (وبلىستىق ماڭىزى بار قالانىڭ) اكىمى باسقاراتىن, ءوز قۇزىرەتى شەگىندە ءتيىستى اۋماقتا جەرگىلىكتى مەملەكەتتىك باسقارۋدى جانە ءوزىن-ءوزى باسقارۋدى جۇزەگە اسىراتىن القالى اتقارۋشى ورگان; 2) جەرگىلىكتى بيۋدجەتتەن قارجىلاندىرىلاتىن اتقارۋشى ورگان – ءتيىستى جەرگىلىكتى بيۋدجەتتەردەن قارجىلاندىرىلاتىن, جەرگىلىكتى مەملەكەتتىك باسقارۋدىڭ جانە ءوزىن ءوزى باسقارۋدىڭ جەكەلەگەن فۋنكتسيالارىن جۇزەگە اسىرۋعا اكىمدىك ۋاكىلەتتىك بەرگەن مەملەكەتتىك مەكەمە (بۇدان ءارى – اتقارۋشى ورگان); 3) ءونىم بەرۋشى – كاسىپكەرلىك قىزمەتتى جۇزەگە اسىراتىن جەكە تۇلعا, زاڭدى تۇلعا (مەملەكەتتىك مەكەمەلەردى قوسپاعاندا, ەگەر ولارعا قازاقستان رەسپۋبليكاسىنىڭ زاڭدارىمەن وزگەشە بەلگىلەنبەسە), مەملەكەتتىك ساتىپ الۋ تۋرالى شارت جاساسقان زاڭدى تۇلعالاردىڭ ۋاقىتشا بىرلەستىگى (كونسورتسيۋم); 4) ءوتىنىش بەرۋشى – تۇراتىن مەكەنجايى بويىنشا اتقارۋشى ورگانعا, ال اۋىلدىق جەردە – كەنتتىڭ, اۋىلدىڭ, اۋىلدىق وكرۋگتىڭ, اۋداندىق ماڭىزى بار قالانىڭ اكىمىنە وزىمەن ۇنەمى بىرگە تۇراتىن وتباسى مۇشەلەرىنىڭ اتىنان اقىسىز جالعاما الۋعا ءوتىنىش بەرگەن جانە مەملەكەتتىك اتاۋلى الەۋمەتتىك كومەك الۋشى بولىپ تابىلاتىن جەكە تۇلعا; 5) تەلەۆيزيالىق ابونەنتتىك جالعاما (بۇدان ءارى – جالعاما) – ابونەنتتىڭ ۇلتتىق سپۋتنيكتىك جانە/نەمەسە تسيفرلىق ەفيرلىك تەلەحابار تاراتۋ جەلىسىندەگى تسيفرلىق تەلە-, راديوسيگنالدى قابىلداۋىنا ارنالعان جەكە تەحنيكالىق قۇرال; 6) تەلەراديو حابارلارىن تاراتۋدىڭ ۇلتتىق وپەراتورى (بۇدان ءارى – ۇلتتىق وپەراتور) – مەملەكەت اتىنان مەنشىك يەسى تەلەراديو حابارلارىن تاراتۋدىڭ ۇلتتىق جەلىلەرىن كۇتىپ ۇستاۋ جانە دامىتۋ جونىندەگى مىندەتتەردى جۇكتەگەن, قازاقستان رەسپۋبليكاسىنىڭ ۇكىمەتى بەلگىلەگەن زاڭدى تۇلعا. 2. جالعامالارمەن قامتاماسىز ەتۋ ءتارتىبى 3. جالعامالار DVB T2, MPEG 4 حابار تاراتۋ ستاندارتتارىندا (تسيفرلىق ەفيرلىك تەلەراديو حابارلارىن تاراتۋ ءۇشىن) تسيفرلىق تەلە-, راديوسيگنالدى قابىلداۋدى قامتاماسىز ەتۋى, تسيفرلىق ەفيرلىك تەلەراديو حابارلارىن تاراتۋدىڭ ۇلتتىق جەلىسىمەن ىقپالداسۋى ءتيىس. 4. جەرگىلىكتى اتقارۋشى ورگان تسيفرلىق ەفيرلىك تەلەراديو حابارلارىن تاراتۋعا تولىعىمەن اۋىسقانعا دەيىن اتقارۋشى ورگان مەملەكەتتىك اتاۋلى الەۋمەتتىك كومەك الۋشىلار بولىپ تابىلاتىن جەكە تۇلعالاردى جالعامالارمەن قامتاماسىز ەتۋدى ۇيىمداستىرادى. 5. جالعامالارمەن قامتاماسىز ەتۋ ءوتىنىش بەرۋشىگە اقىسىز نەگىزدە جەتكىزۋ جانە ورناتۋ نىسانىندا جۇرگىزىلەدى. 6. جالعامالارمەن قامتاماسىز ەتۋ جەكە ءوزىنىڭ اتىنان نەمەسە وتباسىنىڭ جانە وزىمەن ۇنەمى بىرگە تۇرا­تىن باسقا دا ادامداردىڭ اتىنان ءوتىنىش جاساعان ءبىر ءوتىنىش بەرۋشىگە ءبىر جالعاما دەگەن ەسەپپەن جۇرگىزىلەدى. جالعامالارمەن قامتاماسىز ەتۋ بىرجولعى بولىپ تابىلادى جانە ول بەرىلگەننەن كەيىن ونى العان ءوتىنىش بەرۋشىگە, ونىڭ وتباسى مۇشەلەرىنە جانە ونىمەن ۇنەمى بىرگە تۇراتىن باسقا دا ادامدارعا بەرىلمەيدى. 7. تسيفرلىق ەفيرلىك تەلەراديو حابارلارىن تاراتۋمەن قامتىلعان ەلدى مەكەندەردە ءوتىنىش بەرۋشىلەر تسيفرلىق ەفيرلىك تەلەراديو حابارلارىن تاراتۋ جەلىسىندە ۇلتتىق وپەراتور تاراتاتىن تسيفرلىق تەلە-, راديوسيگنالدى قابىلداۋعا ارنالعان جالعامالارمەن قامتاماسىز ەتىلەدى. 8. ەلدى مەكەندەر بولىنىسىندە تسيفرلىق ەفيرلىك تەلەراديوحابارلارىن تاراتۋدى پايدالانۋعا ەنگىزۋ مەرزىمدەرى جانە تسيفرلىق ەفيرلىك تەلەراديو حابارلارىن تاراتۋمەن قامتۋ تۋرالى مالىمەتتەردى ۇلتتىق وپەراتور بەلگىلەنگەن جەرگىلىكتى اتقارۋشى ورگاننىڭ اكىمشىلىك اۋماعىنا جاتاتىن تسيفرلىق ەفيرلىك تەلەراديوحابارلارىن تاراتۋدى ەلدى مەكەندەردە تسيفرلىق ەفيرلىك تەلەراديو حابارلارىن تاراتۋ پايدالانۋعا ەنگىزىلگەنگە دەيىن ءۇش اي بۇرىن جەرگىلىكتى اتقارۋشى ورگانعا ۇسىنادى. 9. جەرگىلىكتى اتقارۋشى ورگان حالىقتى ءوتىنىش بەرۋشىلەردىڭ جالعامالاردى اقىسىز الۋ مۇمكىندىگى تۋرالى بۇقارالىق اقپارات قۇرالدارى ارقىلى حاباردار ەتەدى جانە ولاردى جالعاما الۋ ءتارتىبى مەن شارتتارى تۋرالى تولىق جانە ۋاقتىلى اقپاراتپەن قامتاماسىز ەتەدى. 10. ءوتىنىش بەرۋشى جالعاما الۋ ءۇشىن تۇراتىن مەكەنجايى بويىنشا جالعامالاردى اقىسىز نەگىزدە جەتكىزۋ تۋرالى وتىنىشتەردى تىركەۋ جۋرنالىنا قۇجاتتاردى تىركەيتىن جانە ءوتىنىش بەرۋشىگە قۇجاتتاردىڭ قابىلدانعانى تۋرالى راستاۋ بەرەتىن اتقارۋشى ورگانعا, ال اۋىلدىق جەردە – كەنتتىڭ, اۋىلدىڭ, اۋىلدىق وكرۋگتىڭ, اۋداندىق ماڭىزى بار قالانىڭ اكىمىنە ءوتىنىش بەرەدى. وتىنىشكە ءوتىنىش بەرۋشىنىڭ جەكە كۋالىگىنىڭ كوشىرمەسى, ءوتىنىش بەرۋشىنىڭ (وتباسىنىڭ) اتاۋلى الەۋمەتتىك كومەك الۋشىلارعا تيەسىلىگىن راستايتىن انىقتاما قوسا بەرىلەدى. سالىستىرىپ تەكسەرىلگەننەن كەيىن, جەكە كۋالىگىنىڭ تۇپنۇسقاسى ءوتىنىش بەرۋشىگە قايتارىلادى. كەنتتىڭ, اۋىلدىڭ, اۋىلدىق وكرۋگتىڭ, اۋداندىق ماڭىزى بار قالانىڭ اكىمى ءوتىنىشتى قۇجاتتارمەن بىرگە العان كۇننەن باستاپ بەس جۇمىس كۇنىنەن كەشىكتىرمەي اتقارۋشى ورگانعا جىبەرەدى. 11. اتقارۋشى ورگان ءوتىنىش بەرۋشىنىڭ اتاۋلى الەۋمەتتىك كومەك الۋشىلارعا تيەسىلىگى دەرەكتەرىن تەكسەرۋدى, سونداي-اق وسى قاعيدالاردىڭ 6-تارماگىنا سايكەس فاكتىلەردى بەلگىلەۋدى جۇرگىزەدى. اتقارۋشى ورگان وتىنىشتەردىڭ نەگىزىندە تىزبەسى مەن سانىن كورسەتە وتىرىپ, جالعامالارعا قاجەتتىلىكتى ايقىندايدى. 12. ءوتىنىش بەرۋشىدەن نەمەسە كەنتتىڭ, اۋىلدىڭ, اۋىلدىق وكرۋگتىڭ, اۋداندىق ماڭىزى بار قالانىڭ اكىمىنەن قۇجاتتار قابىلدانعان كۇننەن باستاپ بەس جۇمىس كۇنى ىشىندە اتقارۋشى ورگان ءوتىنىش بەرۋشىنى اقىسىز نەگىزدە جالعامامەن قامتاماسىز ەتۋ ء(ۇش دانا) نەمەسە ونىمەن قامتاماسىز ەتۋدەن باس تارتۋ (ەكى دانا) تۋرالى شەشىم شىعارادى, ول تۋرالى ءوتىنىش بەرۋشىنى حاباردار ەتەدى, باس تارتقان جاعدايدا – ونىڭ سەبەبىن كورسەتەدى. 13. ءوتىنىش بەرۋشىنى اقىسىز نەگىزدە جالعامامەن قامتاماسىز ەتۋ تۋرالى شەشىم قابىلدانعان جاعدايدا, شەشىمنىڭ ءبىرىنشى داناسى ءوتىنىش بەرۋشىگە, ەكىنشىسى وتكىزىلگەن مەملەكەتتىك ساتىپ الۋ قورىتىندىسى بويىنشا جالعامالاردى جەتكىزۋدى جۇزەگە اسىراتىن ءونىم بەرۋشىگە جىبەرىلەدى جانە ءۇشىنشى داناسى اتقارۋشى ورگاندا قالادى. اقىسىز نەگىزدە جالعامامەن قامتاماسىز ەتۋدەن باس تارتىلعان جاعدايدا, شەشىمنىڭ ءبىرىنشى داناسى ءوتىنىش بەرۋشىگە جىبەرىلەدى, ەكىنشى داناسى اتقارۋشى ورگاندا قالادى. 14. ەگەر: 1) ءوتىنىش بەرۋ ساتىندە ءوتىنىش بەرۋشى مەملەكەتتىك اتاۋلى الەۋمەتتىك كومەك الۋشى بولىپ تابىلماسا; 2) ءوتىنىش بەرۋشىگە, ونىڭ وتباسى مۇشەلەرىنە جانە ونىمەن ۇنەمى بىرگە تۇراتىن وزگە تۇلعالارعا وسى قاعيدالارعا سايكەس بۇرىن جالعاما بەرىلگەن بولسا, بۇل جاعدايلار اقىسىز نەگىزدە جالعاما بەرۋدەن باس تارتۋ ءۇشىن نەگىز بولىپ تابىلادى. 15. ءونىم بەرۋشى اتقارۋشى ورگاننىڭ اقىسىز نەگىزدە جالعامامەن قامتاماسىز ەتۋ تۋرالى شەشىمىن العان ساتتەن باستاپ مەملەكەتتىك ساتىپ الۋ تۋرالى شارتتا كورسەتىلگەن مەرزىم شەگىندە ءوتىنىش بەرۋشىنىڭ شەشىمدە كورسەتىلگەن مەكەنجايى بويىنشا جالعامانى جەتكىزۋدى, سونداي-اق ورناتۋدى جانە قوسۋدى جۇزەگە اسىرادى. 16. ءوتىنىش بەرۋشى جالعامانى قابىلداۋ-تاپسىرۋ اكتىسىنە ونى جەتكىزىپ بەرگەن, ورناتقان جانە قوسقان ساتتەن باستاپ ءبىر كۇن ىشىندە قول قويادى.